السلام عليكــم ورحمـة الله وبركاتــة ،،
قصيدة جديدة للشاعر ،، حازم الصبيحي
لا أنقاني قررت ...... تحملت واجد نين ما أنفجرت
أنريد نبتعد لا أنقاني قررت
خذيت قرار ..... دابينا عندي اليوم خيار
ما أيهمني لو كل شي أنهار .... عانيت واجد كل شي أخصرت
أنكابر علي لجروح عشت أفنار .... أنظني كما أيوب صبر صبرت
ما أيهم لو كانوا زها لنظار .... أوما أيهم لو قررت وأسرعــــــت
أوما أيهمني لو صار مهما صار .... عندي المهم أفراحتي فكرت
عطيتك أنذار وأمعاه كم أنذار .... لا شفتني لا كلمتي عبرت
بنقول كلمة بس بأختصار .... واجد أمعاك أشقيت وأدمرت
خلاص نهيـــــــت ....... اللي بينا أوحتا القرار خذيــــــــت
أنت السبب كثرت وين قسيـــــت .... كل شي درتا فيك ما قدرت
كن عالوفاء يعلم الله وفيــــت .... أوكن عالغلا ما يوم نا قصرت
في ما مضا واجد أمعاك بكيـــــت .... حتا الزها في دنيتي حرمــــــت
حبيت لاكن مالزعل مليــــــت .... القيت الخصاير عرم وين حصرت
ما تنصدم لو قلت توة أنسيـــــت .... حاولت وين كثرن أخطاك أقدرت
ماعاد مطرح للصفاء خليـــــــــت .... أيامآ أنغامر فالغلا غامرت
توة ورايا كل شي رميـــــــت .... منك حواسي كلها حررت
قرار خذيتـــــه ....... اللي بينا رسمي خلاص نهيتــــــــه
ذل أوشقا للقلب كله القيتـــــه ..... عطيتك وفاء وأنت غلاي نكرت
مالعقل ماضيك خلاص محيتــــه .... أكرهتك وصلت الحد ما أستحقرت
هضاك مات يللي فالغلا ذليتــــــه .... غلطة أومستحيل لو كررت
أوتوة الماضي بالعذاب أنسيتـــــه .... أفدنيا جديدة هادية باشرت
أسكر أشتراكك أمعاي لغيتـــــه .... ما أتلومني في شي أنت أخترت
موضوع: لا أنقاني قررت .